31 мая 2016 г.
Умра _ ачасем тахçанах тĕмсĕлсе кĕтекен çуллахи вă-ăрăм каникулăн хаваслă та шавлă кунĕсем! Виçĕ уйăхра ачасем ỹт-пỹ тĕлĕшĕнчен те самай тĕрекленĕç, ăс-тăн тĕлĕшĕнчен те пуянланĕç... Çав вăхăтрах хĕвел çинче пиçĕхĕç, выльăç-кулĕç, алхасĕç темелле. Каникул-çке! Çапах та çуллахи кану никамшăн та куляну ан пултăр тесен, чăн малтанах кĕçĕннисене аслисен, ашшĕ-амăшĕн хăйсен хỹтлĕхне илмелле. Кашни ача лагерьте е сиплев учрежденинче пулмасть-çке. Шăрăх кунсенче те, сулхăн çанталăкра та çул çитмен ачасене пĕччен е шанчăксăр ачасемпе пăрахса хăвармалла мар. Шыв хĕррине хăйсем тĕллĕн çỹрени те пысăк хăрушлăх кăларса тăратма пултарать.
Источник: "Авангард" (газета Батыревского района)