31 мая 2016 г.
Çу уйăхĕн 31-мĕшĕ _ Табак туртнине хирĕç кĕрешмелли кун. Календарьте çак ятарлă куна кĕртни ытахальтен мар. Сăмахран, хальхи вăхăтра статистика çирĕплетнĕ тăрăх, тĕнчере табак туртнипе çыхăннă чирсенчен кашни 6 çеккунтра пĕр çын, çулталăкра вара пилĕк миллион çын пурнăçран уйрăлать. Калама çеç вĕт! Раççейре вара чикарккă туртакан 500 пин ытла çын тĕрлĕ чир ернипе вăхăтсăр çĕре кĕрет. Урăхла каласан, никотин авăрне çакланнăскерсем пĕрре сывлăхне çухатаççĕ, тепре вара çемье бюджетне хавшатаççĕ.
Çакна та манса ан кайăр: табак туртакан çынсен чĕри чи малтан хавшать. Ỹпке, усал шыçă чирĕ те хăвăрт ярса илет. Çăвара ĕмсе илекен çăра тĕтĕм 25 тĕрлĕ чире пуçарма пултарать.
Источник: "Авангард" (газета Батыревского района)