Публикации » Шăрттан пĕçерес тенĕ те…

07 июня 2016 г.

ИНКЕК тени чылай чухне ура айĕнченех йăтăнса тухать. Тăрăнти Кузнецовсен килĕнче вут-кăвар пăтăрмахĕ те ỹкĕнĕçлĕ çаврăнса тухнă. Кил хуçи хĕрарăмĕ газ кăмакине шăрттан пĕçерме лартнă. Шăраннă çу подносĕнчен сăрхăнса тăкăннă та кăмакана хыпса илнĕ. Юрать-ха, хуçа аптăраса та ỹкмен, çухалса та кайман. Тỹрех килĕнче упранакан огнетушителе ярса илнĕ те пушара хăй тĕллĕнех сỹнтерме пикеннĕ. Кайран вут аллине алхасма парас мар тесе хăйăрпа сапса инкеке парăнтарнă. Ăна вăхăтра сиссе ĕлкĕрни пушара малалла сарăлма паман.

Источник: "Авангард" (газета Батыревского района)