10 июня 2016 г.
ÇĔРТМЕ уйăхĕн 6-мĕшĕнчен мусульман тĕнне тытса пыракансемшĕн пĕр уйăхлăх типĕ тапхăрĕ _ ураза _ пуçланчĕ. Çак çирĕп типĕ вăхăтĕнче хĕвел ансан е вăл тухиччен çеç апат çисе тĕн йăли-йĕркине пăхăнни ĕненĕве çирĕплетме тата ăс-хакăла пуянлатма çеç пулăшĕ. Çакна та палăртса хăвармалла: ватăсемпе çав тери йывăр чирлĕ çынсем типпе çирĕп тытмасан та юрать. Ун пек чухне мусульмансем мĕскĕнрех çынсене е пулăшу кирлисене кучченеçсем сĕнеççĕ, кăмăлĕсене тупаççĕ.
Кĕлĕ хыççăн пĕрремĕш куннех мусульмансем праçник сĕтелĕ тавра пуçтарăнаççĕ. Унта та тăвансемпе çывăх çыннисене, пĕлĕшсемпе кỹршĕ-аршине тутлă çимĕçсемпе сăйлаççĕ. Уяв кунĕсенче масар çине кайса тăванĕсен вилтăпри умĕнче пуç таясси те ырă йăлара.
Источник: "Авангард" (газета Батыревского района)