Публикации » Çĕленрен те, сăвăсран та асăрхан!

17 июня 2016 г.

ИЛЕМЛĔ те ăшă çу кунĕнче чылайăшĕ (уйрăмах çамрăксем) канма вăрмана, кỹлĕ хĕрринелле талпăнаççĕ. Анчах кирек ăçта пулсан та асăрханасси пирки манмалла мар. Чăн малтанах çакна асăрхаттармалла: кăштах сăра-эрех ĕçнĕ хыççăн шыва кĕрсе уçăлас е тата кăштах куштанланас тĕллевпе теветкеленни инкек патне илсе çитерме пултарать! Шел пулин те çакнашкал тĕслĕх- сем кашни çулах тĕл пулаççĕ. Пăтăрмах хыççăн тин вара чавсана çыртни те пулăшмĕ. Хальхи вăхăтра вăрмансенче çĕленсем, сăвăссем нумаййине асăрхаттараççĕ. Вĕсем çын сывлăхĕшĕн мĕнле хăрушлăх кăларса тăратнине пурте пĕлеççĕ. Акă, темиçе кун каялла çеç (акатуй кунĕнчех пулнă) шашлăк пĕçерекен пĕр хĕрарăм хăйĕн ыйтăвĕпе йывăçсен хушшине кĕнĕ те çĕлен мăшкăлĕ пулнă. Юрать-ха ăна çийĕнчех Патăрьелĕнчи больницăна илсе кайса васкавлă пулăшу панă.

Источник: "Авангард" (газета Батыревского района)