01 июля 2016 г.
ХАЛЬХИ вăхăтра уйрăмах хуласенче сарăлса пыркан наркомани пурне те пăшăрхантарать. Çак темăпа "чан" çапма сăлтавĕ те пысăк. Паянхи куна çĕр çинче 185 миллион ытла çын усал амакпа çыхăннă! Вăл çеç те мар-ха. Юлашки виçĕ çулта наркомансен вăтам çулĕ 16 _ 17 çултан 13 _ 14 çула анса ларнă. Урăхла каласан, чир çамрăкланни _ пысăк хăрушлăх!
Районти тĕп больницăри тĕп нарколог Н. Надина хаçат редакцине пĕлтернĕ тăрăх Юхмапа Пăла тăрăхĕпе пуçа минретекен, сывлăха хавшатакан наркотик тытăмлă япаласемпе арпашса кайнă çамрăксем учетра çук. Апла пулин те профилактика тĕлĕшпе çитĕнекен çамрăксемпе тăтăшах çак темăпа калаçусем йĕркелени, тĕрлĕрен куравсем тата ытти мероприятисем те ирттерни кирлех.
Источник: "Авангард" (газета Батыревского района)