05 июля 2016 г.
ÇАПЛА, паянхи пурнăçра кун пекки те пулать иккен. Хăш-пĕр тавçăруллă çынсем туя е юбилея ют çĕршывра кăларнă чаплă автомашинăпа мар, мотоблокпа та каяççĕ-мĕн. Пĕчĕк хăвăртлăхпа çỹрекен техникăпа çула тухнă водительсене районти автоинспекци сотрудникĕсем пĕрре мар чарнă. Анчах руль умĕнче ларакан çул çỹревçĕ хĕрĕнкĕ пулсан та протокол çыраймăн. Кучухнехи питĕ модăна кĕнĕ "хурçă утпа" хальлĕхе водитель прависĕрех çỹреме пулать-ха. Хăнара "киккириккине" хĕртнĕ хыççăн та киле пĕр шухăшсăр çитме пултарнишĕн хускатса тухаççĕ те пĕчĕкскерне. Унпа, паллах, Шупашкарах çитеймĕн, анчах ỹркенмесен кỹршĕ яла е çывăхалла шалтăртаттарса кайса килме пулать çав ĕнтĕ... Пĕр çын çеç те мар, 3-4 çын таранах вырнаçма пултарать кỹмине.
Источник: "Авангард" (газета Батыревского района)