Публикации » Пакунлисен çемье династийĕ

12 июля 2016 г.

 КИРЕК мĕнле ашшĕ-амăшĕшĕн те ывăл-хĕрĕ хăйсен çулĕпе кайни, вĕсен ĕçне малалла тăсни кăмăллă. Паян район полицийĕнчи преступлени тăвакансене иккĕленсе лартакан вăхăтлăх изолятор начальникĕнче тăрăшакан В. Эриванов тепĕр 20 çултан йĕрке хуралĕн сукмакне унăн хĕрĕ такăрлатассине шутлама та пултарайман. Владимир Анатольевич карьера çулне милицин участокри инспекторĕнчен пуçланă. Алина хĕрĕ вара хальхи вăхăтра административлă законодательствăна пурнăçлас тĕлĕшпе тимлекен инспекторта тăрăшать. Пакунлисен йышĕнчех Владимир Анатольевичăн тăван шăллĕ Николай тата Алинăн мăшăрĕ те династири служба ĕçне малалла тăсаççĕ.

Источник: "Авангард" (газета Батыревского района)