12 июля 2016 г.
УЛАТĂР тата Пăрачкав III округ епархийĕн благочиннăйĕн пиллĕхĕпе Первомайски чиркỹ настоятелĕ Сергий Пегасов протоиерей çулсеренех Турра ĕненекенсемпе, чиркĕве çỹрекенсемпе çветуй вырăнсене тухса çỹрет. Хальхинче паломниксем июлĕн 25 _ 28-мĕшĕсенче Екатеринбурга çитсе килесшĕн. Çулçỹрев хака та лармасть, пилĕк пин тенкĕ çеç тỹлемелле.
Паломниксен каярахпа тепĕр маршрутпа та çула тухас ĕмĕчĕсем пысăк. Августăн 8 _ 9-мĕшĕсенче Первомайскинчи храм умĕнчен ирхине 7-сехетре Дивеевăна кайма план туса хунă. Икĕ кунлăх çулçỹ-ревшĕн 1100 тенкĕ тỹлемелле. Çуллахи ăшă та кăмăллă çанталăксенче çветуй вырăнсене çỹреме хапăл тăвакансен шухăшне ырламалла çеç. Ку вăл чăн малтанах пирĕн чунсене усалтан тасатма та, хамăрăн тĕн йăли-йĕркисем пирки тата ытларах пĕлме, тавракурăма анлăлатма та пулăшать.
Источник: "Авангард" (газета Батыревского района)