09 августа 2016 г.
Район администрацийĕн ЗАГС пайĕн çичĕ уйăх кăтартăвĕсене тишкерсен савăнмалли те сахал мар, çамкана пĕркелентермелли сăлтав та пур темелле. Çурла уйăхĕн 1-мĕшĕ тĕлне Патăрьелĕнче 45 , Шăнкăртамра 44 "çĕнĕ кайăк" хутшăннă. Ку вăл пуриншĕн те пысăк телей. Асăннă ялсенче ĕмĕрлĕх тĕнчене куçакансем те сахал: йĕркипе шутласа _ 26 тата 39 çын. Çав вăхăтрах çулталăк пуçланнăранпа 56 ялтан 18- шĕнче пĕр çемьере те ача çуралнă ятпа савăнăçа çывăх çынсемпе пайламанни вара шухăшлаттарать. Хальхи вăхăтра патшалăх ача çуратакансене, йышлă ачаллă çемьесене тĕрлĕрен çăмăллăх парать, демографи лару-тăрăвне лайăхлатас тĕллевпе сахал мар йышăну кăларать, социаллă ытти пулăшусем те пур... Çавăнпа та çĕршыв пуласлăхĕсене ытларах воспитани парасси, хамăр хыççăн çирĕп те шанчăклă ăру хăварасси _ пирĕн тивĕç.
Источник: "Авангард" (газета Батыревского района)