12 августа 2016 г.
Чăваш Енре пĕрремĕш хут республикăра пурăнакан халăхсен съезчĕ иртет. Форума авăнăн 10-мĕшĕнче ирттерме йышăннă. Съездра Чăваш Енри халăхсен этнокультурине аталантармалли, вĕсене республикăн экономика тата социаллă пурнăçне хутшăнассине вăйлатмалли çул-йĕре палăртĕç. Кун йĕркинчи тĕп ыйтусенчен пĕри Чăваш Республикинче Халăхсен ассамблейине туса хурасси пулĕ.
РФ Президенчĕн "Раççейĕн 2025 çулчченхи патшалăх наци политикин стратегийĕ çинчен" Указĕпе килĕшỹллĕн йĕркелекен съезда хатĕрленсе ирттерме йĕркелỹ комитечĕн йышне çирĕ-плетнĕ. Унăн председателĕ - Чăваш Республикин Пуçлăхĕн Администрацийĕн ертỹçи Юрий Васильев.
Источник: "Авангард" (газета Батыревского района)