30 августа 2016 г.
Районта пĕрчĕллĕ тата пăрçа йышши культурăсене 100 проценчĕпех вырса пĕтернĕ, 98 процентне тĕшĕленĕ. Тухăç пĕр гектартан вăтамран 24,2 центнерпа танлашнă.
Август вĕçĕ, сентябрь пуçламăшĕ _ кĕрхи культурăсене акмалли тапхăр. Ĕнерхи кун тĕлне 893 гектар тулă, 485 гектар ыраш никĕсе хывнă. "Батыревский" тата "Красное знамя" хуçалăхсенче çĕр улми кăлараççĕ, тухăç пĕр гектартан вăтамран 190 центнер.
Кĕрхи культурăсене акма 4355 гектар çĕр хатĕрленĕ.
"Красное знамя" ял хуçалăх предприятийĕнче çĕр улми 210 гектар йышăнать, ăна кăларма пуçланă. Яваплă ĕçре вăй хураканнисенчен пĕри _ Сергей Краснов. Механизатор хăйне шаннă тивĕçе тỹрĕ кăмăлпа пурнăçлать.
О. ПАВЛОВА
Источник: "Авангард" (газета Батыревского района)