09 сентября 2016 г.
Ыран, авăнăн 10-мĕшĕнче, 10 сехетре Шупашкар кỹлмекĕн хĕрринче прессăн спорт фестивалĕ старт илĕ.
Совет Союзĕн икĕ хут Геройне, СССР космонавт летчикне Андриян Николаева асăнса 78-мĕш хут йĕркелекен эстафетăна ытти вун-вун командăпа пĕрлех массăллă информацинче вăй хуракансем те "Спорт калемĕ" кубока çĕнсе илессишĕн тупăшĕç. Ытти МИХсемпе юнашарах районта тухса тăракан "Авангард" хаçат журналисчĕсен те фестивале хутшăнса мероприятие пахалама кăмăлĕ пысăк. Маларах вара, иртнĕ шăматкун, Авангардçăсем хăйсен хаçат парнине çĕнсе илессишĕн çăмăл атлетсен ăмăртăвне йĕркелерĕç. Хаçат юбилейне тата Сывлăх кунне халалланă эстафетăна ватти те, вĕтти те кар тăни кăмăллă пулчĕ.
Источник: "Авангард" (газета Батыревского района)