13 сентября 2016 г.
ЮЛАШКИ çулсенче çăмăл автомашинăпа çỹ-реме вĕренекенсем хушшинче арçын ачасене мар, ытларах хĕрачасене курма пулать. "Штурвал" умне чиперккесемпе ача амăшĕсем ларнине хăнăхса та пыратпăр темелле. Кучухне вĕсем тĕрлĕ йышши техникăпа арçынсенчен кая мар чуптарса çỹреççĕ. Малашне те çаплах пулайĕ-ши?.. Районти полици уйрăмĕнчи ГИБДДăн РЭО начальникĕ Анатолий Кошкин хаçат редакцине пĕлтернĕ тăрăх, 2016 çулхи сентябрĕн 1-мĕшĕнчен водитель пулас, удостоверени илес текенсемшĕн çĕнĕ административлă регламент вăя кĕнĕ. Водительсем калашле, экзаменсем ку таранччен те çăмăл пулман-ха. Малашне вара нушасăр кулач çиеймен пекех, çул-йĕр правилисене, çĕнĕлĕхсене тăрăшса вĕренмесĕр, хатĕрленмесĕр водитель правине тăруках алла илеймĕн. Теори пайĕнчи ăнăçу йăлтах палăртнă минутра ыйтусене мĕнле хуравланинчен килет. Вăл çеç те мар иккен, практика пайĕнче транспортпа çỹренĕ чухне техникăпа тĕрлĕрен маневрсене тума пĕлни те пысăк шутра. Ку тĕлĕшпе те чылай хушма çĕнĕ упражненисем кĕртнĕ.
Источник: "Авангард" (газета Батыревского района)