Публикации » Тренера тава тивĕçме çăмăл-и?

13 сентября 2016 г.

 ÇАК кунсенче çеç пирĕн районти тава тивĕçлĕ тренерсем çумне тепĕр çĕнĕ ят хушăнчĕ. ЧР Министрсен Кабинечĕн Председателĕ Иван Моторин Шăнкăртамри Ферид Кияметдинович Чабатова "Чăваш Республикин тава тивĕçлĕ тренерĕ" хисеплĕ ят панă пирки хушу çине алă пуснă. Регионти корэш федерацин ертỹçин юлашки вунă çулта тренер карьеринче тĕрлĕ шайра çитĕнỹ, ỹсĕм сахал мар пулнă. Республикăри физкультурăпа спорта аталантарас тĕлĕшпе те курăмлă ĕçленĕ. Вĕсенчен пĕри _ спортăн çак енĕпе Марат Купкенов кĕрешỹçĕне чăн-чăнах тивĕçлипе хатĕрлесе Раççейĕн пĕрлештернĕ командине кĕртме пултарни. Çамрăк спортсмен вара иртнĕ çул Хусанта йĕркеленĕ тĕнче чемпионатĕнче хăйĕн пултарулăхне кăтартма та пултарчĕ. Çакă шăпах Ферид Чабатов тренерăн "çимĕçĕ".

Источник: "Авангард" (газета Батыревского района)