16 сентября 2016 г.
Выльăх-чĕрлĕх отрасльне аталантарассипе ял хуçалăх предприятийĕсем, çавăн пекех уйрăм çынсем те ытларах ĕçлеме пуçлани сисĕнет. Çакна 8 уйăхри кăтартусем те çирĕплетеççĕ. Районĕпе аш-какай чĕрĕ виçепе 5,5 тонна туса илнĕ, ку пĕлтĕрхинчен 2 процент ытларах. Сĕт 32,2 тонна е иртнĕ çултинчен татах 2 процент ытларах сунă. Пĕр ĕне вăтамран 3501, 2015 çулта _ 3410 кг сĕт панă.
Унăн хакĕ халь 15-20 тенкĕ. Куллен 108 тонна сĕт пухăнать, унтан 71 процентне ял халăхĕ парать, 29-шне _ ял хуçалăх предприятийĕсемпе фермер хуçалăхĕсем.
Районĕпе 18637 пуç ĕне-выльăх, 19214 сысна, 8889 сурăхпа качака усраççĕ.
100 ĕнерен 53 пăру илнĕ. Çулталăк пуçланнăранпа ял хуçалăх предприятийĕ- сенче 1016 çамрăк выльăх хутшăннă. Кăтарту пĕлтĕр пысăкрах пулнă _ 1149 пуç.
Пĕр амаран вăтамран 11,7 пурĕ ял хуçалăх предприятийĕсенче 16126 çура илнĕ.
Самăртма хупнă ĕне-выльăх талăкра вăтамран 636, сыснасем 605 грамм ỹт хушнă.
(Хамăр корр.).
Источник: "Авангард" (газета Батыревского района)