07 октября 2016 г.
ЧĂН сăмахăн суйи çук, теççĕ. Именкассисене хăйсен ялĕнчи клуб кăнтăрла та, каçхине те час-часах хупă пулни пăшăрхантарать. Çакăн пирки именмесĕр калама сăлтавĕ пулнăранах «Авангард» хаçатăн «АХРĂМ» «агентствине» лайăхах мар хыпар çитрĕ. Уй-хир ĕçĕсенчен пушанса пынă май, ял çамрăкĕсем пĕрле пуçтарăнса калаçса та ларасшăн, мероприятисене те хутшăнасшăн пуль. Анчах культура çурчĕн алăкĕ çинче час-часах çакăнса тăракан çăра кăмăла шарт! çеç çурмалла хуçать-мĕн. Енчен те учитель вăхăтра уроксене çỹремесен, тухтăр хăй ирĕкĕпе çеç ĕçе тухсан е тата ытти те мĕн пулĕ? Ял клубĕ яланах çынсем пухăнса калаçмалли, пĕр-пĕринпе тĕл пулмалли, хĕрсемпе каччăсем паллашмалли, халăха культура воспитанийĕ памалли центр шутланнă. Çапла пулмалла та.
Источник: "Авангард" (газета Батыревского района)