07 октября 2016 г.
СУНАРÇĂСЕМ те пурнăçра пулăçă, кăмпаçă пекех «чирлĕ» çынсем. Хур-кăвакалсемпе пăчăрсене, хир чăххисене тата ыттисене те тытмалли ятарлă кунсене вĕсем куç пек кĕтеççĕ. Вăл çитсен вара чăнах та ача пек савăнаççĕ темелле, хăвăртрах пăшалне авăрлаççĕ те çывăх çыннисемпе, юлташĕсемпе ухатна çула тухаççĕ... Районти сунарçăсен ушкăнĕнче нумай çул ĕçлесе пуян опыт пухнă И. Сергеев аслă егерь хаçат редакцине пĕлтернĕ тăрăх, октябрĕн 1-мĕшĕнчен сунарçăсем мулкачсене пурсуй тата сунар йыттисемпе хăваласа тытма пултараççĕ. Анчах та пăшалне хул урлă çакиччен васкамалла мар, çакăн валли охотоведран (Мичурин урамĕнчи 72 çурт) ятарлă ирĕк илмелле.
Источник: "Авангард" (газета Батыревского района)