25 октября 2016 г.
Чăваш Республикин ĕç ветеранĕ" ята пирĕн районта стажпа тивĕç пулнисем 1961 çын. Вĕсенчен 730-шĕ шăпах Чăваш Ен Пуçлăхĕ М. Игнатьев ку енĕпе ĕçлес тапхăра чакарса хушу кăларнипе тивĕçнĕскерсем.
Район администраци пуçлăхĕн пĕрремĕш çумĕ, социаллă аталану, туризм тата вырăнти хăйтытăмлăх органĕн ыйтăвĕпе ĕçлекен пай пуçлăхĕ М. Айзатуллов районти централизациленĕ библиотекăра ветерансен тепĕр ушкăнне удостоверенисем парса саламларĕ. Хальхинче ăна Патăрьел, Пикшик, Турхан, Сăкăт, Первомайски, Çĕнĕ Ахпỹрт, Нăрваш Шăхаль, Тăрăн, Шăхач ял тăрăхĕсенче пурăнакансем илчĕç.
Социаллă хỹтлĕх пайĕн начальникĕ Н. Никитина ветерансене тивĕçекен çăмăллăхсем çинче чарăнса тăчĕ.
Источник: "Авангард" (газета Батыревского района)