03 ноября 2016 г.
ПАЛЛАХ, ача-пăча сасси! Кăçалхи вунă уйăхра Юхмапа Пăла тăрăхĕнче çуралнă 313 ачана регистрацилесе Çырăнтару керменĕнче чыслăн пурнăçри пĕрремĕш документа парнеленĕ. Ку тĕлĕшпе яланхиллех Патăрьел тата Шăнкăртам ялĕсем "рекордсменсем". Вĕсенче вилекенсен йышĕ те самай сахал. Çулталăк пуçланнăранпа Сăкăтра, Ыхра Çырминче пурăнакан çемьесене çак ятпа сахал мар саламланă. Çав вăхăтрах Пăлапуç Пашьелĕнче 15 çын ĕмĕрлĕх тĕнчене куçнă, çуралаканни вара пĕр пепке çеç. Алманчăра та 16-ăн вилнĕ, 3 çемьере йыш хутшăннă.
Источник: "Авангард" (газета Батыревского района)