11 ноября 2016 г.
Район администраци пуçлăхĕн пĕрремĕш çумĕ Марат Айзатуллов пĕр хваттерлĕ пỹлĕмĕн уççине М. Смирновăна парса савăнтарнă. Хваттере республикăн тĕллевлĕ программипе _ ашшĕ-амăш хỹтлĕхĕсĕр тăрса юлнă ачасене пурăнмалли кĕтеспе тивĕçтерес енĕпе тунă.
Марат Минсеитович çамрăк ача амăшне, мăшăрне çемье килĕшĕвĕ, çĕнĕ çуртра хăтлăх суннă. Унăн сăмахĕ çумне тата попечительствăпа опека секторĕн заведуюшийĕ Т. Чылыкова, район администрацийĕн строительство, обществăлла инфраструктура аталану пайĕн специалист-эксперчĕ Л. Билалова та хутшăннă.
2012 çултанпа районти 27 тăлăх хваттерлĕ пулнă.
Источник: "Авангард" (газета Батыревского района)