15 ноября 2016 г.
Ноябрь уйăхĕн пĕрремĕш кунĕсенче шурă юр таврана хупларĕ. Вăл çĕр çинчен пачах та каяссăн туйăнмастчĕ, анчах юрлă-пăрлă çумăр çурĕ те хирсене тепĕр хут хура тĕс çапрĕ. Кăшт шăнтнă хыççăн вара, шăпах кĕçнерникунпа эрнекун, урамсенчи çулсем пăрланчĕç. Хăть коньки сырса тух. Яка çĕрте кашни утăма пусасси чĕр нушаччĕ. Кăшт çеç ура çирĕплĕхне çухатан _ тĕрлĕ хускану туса та илетĕн. Персе анасси те часах. Кун пек чухне кăшт ыраттарнипе çеç иртсе кайсан аван-ха та, анчах алă-урана хуçасси те пулать çав. Районти тĕп больницăри травматологи уйрăмĕнчи тухтăрсемпе медицина сестрисен шăпах çак сăлтавпа пĕр çынна пулăшу пама тивнĕ.
Источник: "Авангард" (газета Батыревского района)