02 декабря 2016 г.
Кивĕ Катекри ача садĕнче Аннесен кунне чысласа савăнăçлă уяв иртрĕ. Зала ачасен чи çывăх çыннисем _ амăшĕсем, кукамăшĕсемпе асламăшĕсем _ пуçтарăнчĕç. Уяв илемлĕ сăвăпа уçăлчĕ.
Чи малтанах аслă ушкăнрисем сăмах илчĕç. Вĕсем хăйсене чăн-чăн артист пек тытрĕç. Çитĕнекен ăру аннесем çинчен сăвăсем вуларĕ, юрă-ташăпа савăнтарчĕ.
Кĕçĕн ушкăнрисем те пултарулăхне кăтартрĕç. Вĕсем те çывăх çыннисене ташă парнелерĕç. Уяв программине И. Быкова воспитатель ертсе пычĕ. И. Селиванова музыка ертỹçи кĕвĕ-çемĕпе тивĕçтерчĕ. Ачасен телейлĕ те янăравлă сассине илтнине мĕн çитĕ. Пĕчĕкскерсен сăн-питĕнче хаваслă кулă çиçрĕ.
Кашнийĕн амăшĕ чи лайăххи-çке. Хăнасене ачасем хăйсем ăсталанă парнесене пачĕç.
Л. ВЛАДИМИРОВА, воспитатель
Источник: "Авангард" (газета Батыревского района)