02 декабря 2016 г.
Патăрьелĕнчи культурăпа кану центрне иртнĕ эрнекун, ноябрĕн 25-мĕшĕнче, ватти-вĕтти хăвăрт- рах çитсе вырăн йышăнма васкарĕ. Кашни килекене "Мисс Патăрьел" ята кам илесси кăсăклантарчĕ. Конкурса пурĕ 8 хĕр хутшăнчĕ. Вĕсем 6 тĕрĕслев витĕр тухрĕç: хăйсемпе, сцена çинче тытма пĕлнипе паллаштарчĕç, хитре кĕписене кăтартрĕç... Пикесем сăнĕпе пĕринчен тепри чипер, пỹ-сийĕ вара кашнин шурă хурăнăнни пек яштака. Залра ларакан чылай каччăн чĕрине хумхантарчĕç пулмалла.
Супăнь хучĕ çинчи пек чиперуксенчен чи-чи пултаруллине суйласа илме тỹресене пĕрре те çăмăл пулмарĕ. Пухăннă балсемпе "Мисс Патăрьел-2016" номинацие Çĕньял хĕрĕ, Юлия Сулагаева, тивĕçрĕ. Ыттисене те тивĕçлĕ ятсем парса хавхалантарчĕç.
Источник: "Авангард" (газета Батыревского района)