02 декабря 2016 г.
Чăваш патшалăх университечĕн Патăрьелĕнчи филиалĕнче 200 ытла студент юриста вĕренет. Пĕлỹ илме çĕршывăн тĕрлĕ кĕтесĕнчен килеççĕ. Техникум е аслă шкул хыççăн малалла вĕренес текенсен виçĕ çул занятисене çỹ- ремелле. Алла аттестат илнисем вара 5 çул вĕренеççĕ. Çакă та лайăх. Пĕлĕве ĕçленĕ хушăрах малалла тăсма пулать. Вĕренсе тухнисем районти, республикăри тĕрлĕ учрежденинче ĕçлеççĕ.
Декабрĕн 3-мĕшĕ _ Юрист кунĕ. Пулас специалистсене çак ятпа саламлас тата çак отраслĕн сумлă ĕçченĕсен ĕçĕ-хĕлĕпе тĕплĕнрех паллаштарас тĕллев-пе университетăн акт залĕнче тĕл пулу йĕркелерĕç. Студентсемпе курнăçма ку хутĕнче прокурор пулăшуçи В. Губарев, шалти ĕçсен министерствин "Батыревский" муниципаллă пайĕн начальникĕн çумĕ С. Селиванов, аслă шкулта ĕçлекен В. Се- натов юрист килчĕç, калаçăва Н. Живов, В. Александров, Т. Про- хорова тата ытти преподавательсем хутшăнчĕç.
Филиал директорĕ Н. Воскресенская малтанах вĕрентỹ çинче чарăнса тăчĕ. Унтан хăнасем сăмах илчĕç. Вĕсем хăйсен ĕçĕ-хĕлĕпе паллаштарчĕç. Аслă пĕлỹ илни ĕçре кирлĕ пулнине палăртрĕç. Студентсен ыйтăвĕ- сем çине те тулли хуравсем пачĕç вĕсем. Тĕл пулу вĕренес хастарлăха тата ỹстересси куç кĕретех.
А. АСТРАХАНЦЕВА
Источник: "Авангард" (газета Батыревского района)