09 декабря 2016 г.
Сывă ача-пăча пĕр вырăнта ларманни никамшăн та çĕнĕлĕх мар. Ара, пĕчĕксерсен пур çĕре те çитес, пурне те курас, хыпса пăхас килет. Çакăн пек чухне аслисен питĕ асăрхануллă пулмалла. Эмелсене, уксуса, çĕçĕсемпе вилкăсене, хачăсене _ пурнăçшăн хăрушлăх кăларакан пур япалана та çỹлĕрех вырăна илсе хума тăрăшмалла. Унсăрăн инкек курасси те часах. Кăçал район больницин ача-пăча уйрăмĕнче вăй хуракансен кирлĕ мар эмел ĕçсе организмне наркăмăшланă темиçе ачана та пулăшу пама тивнĕ. Нумай пулмасть вара çулталăкран иртнĕ пепке шĕпĕн пĕтерекен шĕвеке хăй çине тăкса янă, ỹтне çунтарса илнĕ.
Источник: "Авангард" (газета Батыревского района)