09 декабря 2016 г.
Асап тỹссе вилнĕ таса Екатеринăна асăннă кун, декабрĕн 7-мĕшĕнче, районта пурăнакан чылай çын асĕнче нумайлăха тăрса юлĕ. Шăпах çак кун Патăрьелĕнчи Турă Амăшĕн Державнăй иконĕ ячĕпе хисепленекен чиркĕвĕн пысăк чанне хăпартрĕç. Савăнăçлă мероприятие Улатăр тата Пăрачкав епископĕ, Феодор Владыка, район администраци пуçлăхĕ Рудольф Селиванов, епархин III округĕн благочиннăйĕ, Первомайскинчи Христос Çуралнă ячĕллĕ храм настоятелĕ Сергий Пегасов протоиерей, Чăваш Патшалăх Канашĕн депутачĕ Кирилл Ермолаев тата ытти сумлă хăнасем, ватти-вĕтти хутшăнчĕç.
Чана туянма тата хăпартма пулăшнă çынсене Архиерей грамотисемпе Владыка чысларĕ (сăн ỹкерчĕкре), çавăн пекех район администраци пуçлăхĕ Р. Селиванов пурне те тав турĕ.
Н. МАЗЯКОВА
Источник: "Авангард" (газета Батыревского района)