16 декабря 2016 г.
Пĕлтĕр декабрь уйăхĕ ăшă пулнăччĕ, кăçал вара чăн-чăн хĕл хуçаланать. Сывлăш температури вырăн-вырăнпа 20 градус сивĕрен те иртрĕ. Хĕллехи Микула хыççăн, ку уява православи тĕнне ĕненекенсем раштавăн 19-мĕшĕнче паллă тăваççĕ, халăхра çуна йĕрĕ текех çухалманнине, шартлама сивĕсем пуçланнине калаççĕ. Ĕлĕкхи ваттисем сăнани паянхи саманара яланах тỹр килмест, анчах хĕлле пĕрех юр çусан, Хĕл Мучи кăштах пит-куçран чĕпĕтсен илемлĕрех.
Источник: "Авангард" (газета Батыревского района)