20 января 2017 г.
Чăваш Енре те çĕршывăн ытти кĕтесĕсенчи пекех, пенсионерсем пĕр хутчен паракан 5 пин тенке январь уйăхĕнче илеççĕ. Редакци почтине çак темăпа çырнă çырусем сахал мар кĕреççĕ. Вĕсем çине Раççей Федераци- йĕнчи Чăваш Енри Пенси фончĕн уйрăмĕн управляющийĕ Р. Кондратьева хуравлать:
_ Граждансене 5 пинпе тивĕçтересси мĕнле пынипе кĕскен паллаштарăр-ха.
_ Тỹлев вăхăтра тата йĕркеллĕ пулса пырать. Пенсийĕсене банкран илекен пенсионерсене пĕр хутчен паракан тỹлеве январĕн 11-мĕшĕнче куçарса панă. Почта урлă илекеннисене январĕн 13-мĕшĕнчен салатма пуçланă. Пенсие маларах тивĕçтернисене те черетпе парса пыраççĕ. Çак вăхăтра килте çуккисен е больницăра сипленекенсен пăшăрханма кирлех мар. Май пур пулсан вĕсен январĕн 28-мĕшĕччен çывăхри почта уйрăмĕсене çитмелле. Ерçейменнисене февраль уйăхĕнчи пенсипе параççĕ.
_ Декабрь уйăхĕнче пенсие тухнисем çак тỹлеве илме пултараяççĕ-и?
_ Ватлăхпа тивĕçлĕ канăва тухакансем 2016 çул вĕçне заявлени çырса ĕлкĕрнĕ пулсан илеççех. Чăваш Енре çакнашкаллисем 500 çын ытла.
_ Декабрьте вилнисемшĕн çак укçа тухать-и?
_ Унпа пĕрле пурăннисем тата ăрăва малалла тăсакансем ăна çулталăкăн юлашки кунĕшĕн илме пултараççĕ.
_ Суд приставĕсем парăмсене саплаштармашкăн çак 5 пинрен шыраса илееççĕ-и?
_ Çук. Ваттисен çуртĕнче пурăнакансене те ăна пĕр татмасăр памалла.
_ Республикăра, районта миçе пенсионер 5 пинлĕ пулĕ?
_ Пенси фондĕнчен 367 пин çын ытла çакна илет. Ытти ведомствăсенчен 10 пинĕн ытла. Сирĕн ра-йонпа илес пулсассăн вара 12167 çын.
Источник: "Авангард" (газета Батыревского района)