20 января 2017 г.
Чăваш Републикинчи Роспотребнадзор Управленийĕн районти уйрăмĕн иртнĕ çулхи санитарипе эпидемиологи лару-тăрăвне хаклакан информацинче тĕрлĕрен чир-чĕрпе танлаштаруллă цифрăсем сахал мар. Вĕсем хушшинче кăмăллă цифрăсем те, çав вăхăтрах шухăшлаттараканни, пăшăрхантараканни те пур. Акă, 2017 çулхи январĕн 1-мĕшĕ тĕлне районта ВИЧ-инфекцийĕпе чирлĕ 20 çын шутра тăни паллă. Хăтăлма çук амака çаклатнисем хушшинче ытларах çамрăксем, çемьерен аякка ĕçлеме кайса çỹрекенсем-мĕн. Иртнĕ çул районта асăннă чиртен 4077 çынна тĕрĕсленĕ пулсан, вĕсенчен улттăшĕнче хăрушă СПИД чирĕн вирусĕ пулни паллă. Çавăнпа та тĕрлĕ хутшăнусенчи асăрханулăхпа тимлĕх пирки паян çăвара шыв сыпса тăма сăлтав çук.
Источник: "Авангард" (газета Батыревского района)