20 января 2017 г.
Республика Пуçлăхĕн Указĕпе килĕшỹллĕн республикăри, районти спорт объекчĕсенче, спорт площадкисемпе тренажер залĕсенче, хĕллехи вăхăтра конькипе ярăнмалли пăр лапамĕсенче кашни уйăхра сывлăхпа спорт кунне йĕркелесси пирĕн районта та йăлана кĕчĕ темелле. Хальхинче вăл январĕн 21-мĕшĕнче иртет. Çак кунхине уйрăмах Патăрьелĕнчи "Паттăр" физкультурăпа спорт комплексĕнче çын йышлă пулĕ. Сывлăха çирĕплетмелли кун çынсем уйрăмшарăн, ушкăнпа е çемьепе бассейнсенче ишсе савăнаççĕ, залсенче хул-çурăмне тĕреклетеççĕ. Шанас килет, çак кун пирĕн район центрĕнчи стадион та спортсменсемпе, спорта кăмăллакансемпе тулĕ.
Источник: "Авангард" (газета Батыревского района)