24 января 2017 г.
Январĕн 21-мĕшĕнче, республикăри сывлăх тата спорт кунĕнче, Патăрьелĕнчи физкультурăпа спорт комплексĕнче кунĕпех тĕрлĕ енĕпе спорт ăмăртăвĕсем иртнĕ. Спортсменсем волейболла та вылянă, тренажер залĕсенче пиçĕхнĕ, бассейнсенче ишсе киленнĕ...
Çитес шăматкун, январĕн 28-мĕшĕнче, ирхине 10 сехетре вара район центрĕнчи "Паттăр" ФСК каллех ĕçлĕ шав сассипе тулĕ. Хальхинче кунта республика шайĕнчи кубока çĕнсе илес тĕллевпе вăйлăран та вăйлă шашистсем сĕтел хушшине ларĕç. Пысăк шайри ăмăртăва аслă хуласенчи ăста спортсменсем те хутшăнаççĕ. Ăс-тăн тупăшăвĕ çивĕч пуласси халех сисĕнет. Çапах та шанас килет, Патăрьел шашисчĕсем те асăннă турнирта пысăк хастарлăх кăтартĕç.
Источник: "Авангард" (газета Батыревского района)