03 февраля 2017 г.
И. Н. Ульянов ячĕллĕ Чăваш патшалăх университетĕнчи Алексей Кокель ячĕллĕ ỹнер музейĕнче "çавра сĕтел" иртнĕ. Ăна пĕтĕм тĕнчери çамрăксемпе студентсен ХIХ фестивальне Чăваш Енрен кайма хатĕрленекен хастарсене халалласа ирттернĕ. "Çавра сĕтеле" Чăваш Республикин Пуçлăхĕ Михаил Игнатьев та, РФ Патшалăх Думин депутачĕ Алена Аршинова та хутшăннă.
Фестиваль 150 çĕршыв представительне пухĕ. Чăваш Енрен пĕлтерĕшлĕ форума 125 делегат хутшăнмалла. Çакнашкал чыса тивĕçсе тĕнчен тĕрлĕ кĕтесĕнче пурăнакансемпе туслашни çамрăксемшĕн усăллă пулассине палăртнă Михаил Игнатьев.
Источник: "Авангард" (газета Батыревского района)