14 февраля 2017 г.
Паян, нарăсăн 14-мĕшĕ, календарьте çырăннă Юратакансен кунĕ пулнипе çеç мар, тепĕр пĕлтерĕшлĕ акципе те çыхăннă. Шăпах çак кун кĕнекене "чун апачĕ" вырăнне хурса йышăнакансем ăна кăмăлтан вулавăшсене сĕнме пултараççĕ. Аса илтеретпĕр: Пĕтĕм тĕнчери акцие хутшăнма кăмăл тăвакансем паян хăйсен çемье архивĕнче упранакан тĕрлĕрен кĕнекене, кăсăклă литературăна асăнмалăх ача-пăча библиотекине парнелеме пултараççĕ. Парнене алла илме çеç мар, унпа тепĕр çынна савăнăç кỹме, хавхалантарма пулнине шута илсе паян район библиотекинче йĕркелекен ярмаркăра ыркăмăллăх шухăшĕпе çитнĕ вулакансем йышлă пуласса шансах тăратпăр.
Источник: "Авангард" (газета Батыревского района)