03 марта 2017 г.
Хĕл уйăхĕн юлашки кунĕнче Юхмапа Пăла тăрăхĕнче сас панă 50-мĕш пепке _ Шăнкăртамран. Республика Президенчĕн указĕпе килĕшỹллĕн ят панă Амăшĕпе Ашшĕн çулталăкĕнче пĕчĕк чиперккене _ Ясминăна _ чун панă Илшатпа Илюзя Сыраевсемшĕн çакă нимĕнпе танлаштарма çук пысăк парне. Вĕсемпе пĕрлех çемьери пĕрремĕш пĕчĕк çыншăн эби бабайсем, çывăх тăванĕсем те савăнаççĕ.
Сăмах май каласан, ку таранччен районта 54 ача çуралнă. Вĕсенчен виçĕ пайĕнчен пĕри _ 16-шĕ _ шăпах Шăнкăртамран! Районти ЗАГС пайĕн кăтартăвĕ- семпе Шăнкăртамсем хыççăн вырăнти демографи кăтартăвне лайăхлатас тĕлĕшпе Патăрьел, Нăрваш Шăхаль, Первомайски ялĕсем хальлĕхе малтисен шутĕнче пулнине палăртмалла.
Источник: "Авангард" (газета Батыревского района)