10 марта 2017 г.
Республикăра "Ачасен ячĕпе, ачасемшĕн" марафон ĕçлеме пикенни çирĕм çул ытла. Çак тапхăрта марафона хутшăнакан уйрăм çынсем, коллективсем кашни ача, уйрăмах сывлăх тĕлĕшĕнчен сусăрсен телейĕшĕн питĕ ырă та пархатарлă ĕç тунă. Пĕлтĕр çеç республикипе ыркăмăллăх счечĕ çине сакăр миллиона яхăн укçа-тенкĕ пуçтарăннă.
Чунлăх туйăмĕпе, ыркăмăллăхпа пуçтарăннă нухрата йывăр лару-тăрура, нумай ачаллă, сахал тупăшлă çемьесенче пурăнакан ачасене пулăшма, социаллă учрежденисен пурлăхпа техника базине тĕреклетме расхутланă. Асăннă марафон хальхи вăхăтра та республикăра вăй илсе çеç пырать. Шанас килет, Амăшĕпе Ашшĕн çулталăкĕнче пирĕн район ачасемшĕн, вĕсен пуласлăхĕшĕн нихçанхинчен ытларах кар тăрĕ.
Источник: "Авангард" (газета Батыревского района)