10 марта 2017 г.
Тутар Сăкăтĕнчи вăтам шкулта "Амăшĕсем-хĕрĕсем" мероприяти иртрĕ. Унта Хамидулловасем, Азмухановасем, Незметдиновасем, Валеевасем, Салиховасем, Тухфатулловасем хутшăнчĕç.
Сцена çинчи савăк кăмăллă аннесене пурте кăмăлтан йышăнчĕç. Тĕрлĕ конкурса хутшăнчĕç вĕсем. Унта ăсталăх та, тавçăрулăх та, хастарлăх та, пултарулăхпа пуçарулăх та кирлĕ пулчĕ.
Хĕрсем вара _ принцессăсем. Ятуллăскерсем кашнийĕ илĕртỹллĕ те çепĕç, çуркунне пек хитре те ăшă...
Конкурсантсене арçын ачасем юрăсемпе саламларĕç. Уяв ячĕпе шкул директорĕ Г. Сабитова ăшă сăмахсем каларĕ. Жюри кашни çемье пултарулăхне номинацисемпе хакларĕ, асăнмалăх парнесем пачĕ.
А. ИВАНОВА
Источник: "Авангард" (газета Батыревского района)