10 марта 2017 г.
Çак кунсенче РФ Пенси фончĕн Чăваш Республикинчи органĕн сотрудникĕсем хушшинче йĕлтĕрпе хăвăрт чупассипе, теннисла ăста выляссипе, ыткăнса ишессипе тата дартсла ăсталăха кăтартассипе Спартакиада иртнĕ.
Пысăк ăмăртăва ПФР управленийĕн районти уйрăмĕн хастар спортсменĕсем те хутшăннă çеç мар, хăш-пĕр енсемпе ыттисемшĕн ырă тĕслĕх те пулнă. Уйрăмах шывра хăвăрт, çав вăхăтрах ăста ишес тĕлĕшпе команда чысне хỹтĕленĕ Д. Шадиряковпа А. Кучков, Л. Кучкова ячĕпе тав сăмахĕ каламалăх пур. Спортсменсен тăтăшах физкультурăпа спорт комплексĕнчи бассейнра тренировкăсем туни, ишессипе çĕршер метр хыçа хăварни харама кайман. Пĕтĕмĕшле илсен Патăрьелсем ытти районсем хушшинче пичĕсене хĕретмен.
Источник: "Авангард" (газета Батыревского района)