31 марта 2017 г.
Юхмапа Пăла тăрăхĕнче сăвă çыракансем çеç мар, ăна ăста вулакансем, хăйĕн асамлă пултарулă- хĕпе итлекене тыткăнлакансем те пур. Патăрьелĕнчи пĕрремĕш вăтам шкулта ачасене чăваш чĕлхипе литературин вăрттăнлăхне вĕрентекен А. Торговцев çамрăк специалист мĕн ачаран кашни сăвă йĕркине чĕре варрине çитермелле вулассипе палăрнă: дикци те лайăх, сасси те янравлă. Çамрăкла хунанă опыт вара паян кун та унăн ят-сумне ỹстерме çеç пулăшса пырать. Акă, çак кунсенче Чăваш наци библиотекинче Петĕр Хусанкай çуралнăранпа 110 çул çитнине халалласа йĕркеленĕ "Хастарлăх çăл куçĕ" видеосăвăсен конкурсĕнче вăл виççĕмĕш вырăн йышăннă. Сцена ăстисемпе конкурентсем сахалăн пулманнине шута илсен, ăна пысăк çĕнтерỹпе чун-чĕререн саламламалăх та пур. Кирек мĕнле каласан та 634 автор хушшинче пирĕн хастар хăйĕн пултарулăхĕпе палăрнишĕн савăнмаллах.
Источник: "Авангард" (газета Батыревского района)