Публикации » Маçтăрлăхĕ пысăк вĕрентекенĕн

04 апреля 2017 г.

Педагогика системинче пĕр-пĕрин ĕç опычĕпе паллашасси йăлара. Предметниксем вĕренỹ çулĕ тăршшĕпех методика фестивалĕсене, семинарсене тухса çỹреççĕ. Ытти шкулсенче уроксем параççĕ, мастер-классем ирттереççĕ. Физика учителĕсем те çак ырă йăлана тытса пыраççĕ. Пĕрлех вĕсен географийĕ анлă пулнине те палăртмалла. Ку хутĕнче вĕрентекенсем Улатăрта ирттернĕ физика учителĕсен республикăри методика фестивальне хутшăнчĕç. Унта пирĕн район чысне Патăрьелĕнчи агропромышленность техникумĕнчи аслă категориллĕ преподаватель В. Спинов та хỹтĕлерĕ. 110 çынтан Василий Александрович "Педагогика мастăрлăхĕ" дипломăн пĕрремĕш степенне тивĕç пулчĕ.

Источник: "Авангард" (газета Батыревского района)