Публикации » "Такăр çул" пирĕн ялшăн та пулĕ-ши?

07 апреля 2017 г.

" "Авангард" хаçатăн иртнĕ номерĕнче вырăн тупнă "Çула тухсан çул такăр пултăр" интервью чылай вулаканăн ăшри туйăмне вăратрĕ пулас. Çакна пирĕн редакци почтине умлă хыçлă çырусем çитни тепĕр хут çирĕплетрĕ. Акă, Хирти Пикшикри Камалетдинов ячĕллĕ урамра пурăнакан ĕç ветеранне, Татмăшри Крепков урамĕнче тĕпленнĕ çемьесене пĕр тема пăшăрхантарать: "Такăр çул" программи пирĕн ялшăн та пулĕ-ши?",_ теççĕ вĕсем. Паянхи евĕр йĕпе те нỹрлĕ çанталăкра урамсене вăрăм кунчаллă атăсăр кĕрсе-тухма та май çуккишĕн вĕриленсех сăмах çумне сăмах шăрçаланă курăнать авторсем. Ĕçе каякансем ирхине хутаçсемпе атăсем йăтсах çỹреççĕ-мĕн. Унсăрăн килтен тухаймастăн. "Тимĕр утлă" çынсем вара кил умне кĕреймесĕр урам вĕçĕнче "парковка" уçнă. Иртсе çỹреме те йывăр. Çутçанталăк типшĕричченех çапла нушаланаççĕ вĕсем.

Источник: "Авангард" (газета Батыревского района)