11 апреля 2017 г.
Чăваш Енри çĕрсемпе киревсĕр усă курни çинчен Россельхознадзорăн Чăваш Енри тата Ульяновск облаçĕнчи управление çулсерен çыру-çăхав килет. Палăртмалла, пĕрне те тимлĕхсĕр хăварман. Çийĕнчех вырăна тухса лару-тăрăва тĕпченĕ. Чăнах та, çăхавсем ахальтен çуралмаççĕ иккен. Нумай чухне йĕркене пăсни куç умне тухса тăрать. Ытларах чухне çум курăк, йывăç-тĕм ашкăнса ларакан лаптăксем куçа тăрăннă. Шел те, çỹп-çап куписенчен те хăтăлса пĕтейместпĕр-ха.
Пĕтĕмпе, Чăваш Енре Россельхознадзор ĕçченĕсем пĕлтĕр ăпăр-тапăр пăрахса тултарнă 1 гектар ытла çĕр тупса палăртнă: Шупашкар, Сĕнтĕрвăрри, Куславкка тата Çĕрпỹ районĕсенче.
Надежда ВАСИЛЬЕВА, Россельхознадзорăн Чăваш Республикинчи пресс-секретарĕ
Источник: "Авангард" (газета Батыревского района)