21 апреля 2017 г.
Раççейри Экологи çулне халалласа ыран, апрелĕн 22-мĕшĕнче, йывăç-тĕм лартмалли куна ирттереççĕ. Тĕллевлĕ мероприятие пирĕн районти организаци-предприяти, учреждени коллективĕсем, ытти çынсем те хастар хутшăнма тĕллев лартнă. Ятарлă акцие Тутар Сăкăтĕнчи вăтам шкулти 9 класра вĕренекен яшсемпе хĕрсем Р. Абянова учительница ертсе пынипе çĕнĕ тата кивĕ шкул таврашне 25 тĕп каштан тата 200 тĕп хыр лартса хăварма та ĕлкĕрнĕ. Икĕ тĕрлĕ йывăçăн çамрăк хунавĕсем йăл илсе тымар ярсан, куç тулли симĕс илемпе ял çынни çеç мар, иртен-çỹрен те киленĕ.
Источник: "Авангард" (газета Батыревского района)