12 мая 2017 г.
Пĕлтĕр республикăри Улатăр тата Пăрачкав районĕсенче сыснасен африка чумине тупса палăртнă хыççăн аванах сехре хăпнăччĕ. Çийĕнчех тивĕçлĕ йышăнусем тунипе кăна сарăлма памарĕç. Йĕпе çине сапа тенешкел, халь тепĕр усал хыпар утпа çитрĕ. Кỹр- шĕри Тутар Республикинчи "Лаишевский" чăх-чĕп комплексĕнче кайăк-кĕшĕк грипне тупса палăртнă. Диагноза вырăнта çирĕплетнĕ, анализсене Владимирти Пĕтĕм Раççейри выльăх-чĕрлĕх чирĕсемпе кĕрешекен наукăпа тĕпчев институтĕнче тĕрĕслеççĕ.
Халь шăпах çынсем кăвакал, хур, чăх чĕпписем туянаççĕ, республика, район территорине инкек ан кĕтĕр тесен сыхăлăха пурин те ỹстерме тивет.
Источник: "Авангард" (газета Батыревского района)