19 мая 2017 г.
Чăваш академи драма театрĕ кăçал 100 çул, район 90 çул тултарнине паллă тума хатĕрленеççĕ. Историе çырăнса юлакан çул асра юлтăр тесе кашни сферăра ĕçлекенсем тĕллевлĕ программăсем палăртаççĕ. Районти халăх театрĕ (режиссерĕ Л. Леонтьева), акă, централизациленĕ клуб тĕпелне хамăр ентешсене _ Кĕçĕн Патăрьелĕнче çуралса ỹснĕ, Чăваш академи драма театрĕнче вăй хуракан Чăваш Республика халăх артистне, Раççей Федерацийĕн патшалăх премийĕн лауреатне Валентина Ситовăпа Сăкăтра çуралса ỹснĕ Александр Куракова пултарулăх каçне йыхравлама палăртать. Аван шухăш. Юхма ен çăкăрне çисе, сиплĕ çăл шывне ĕçсе ỹснĕскерсен творчествăри ăсталăхĕпе паллашма хавас пулатпăрах.
Источник: "Авангард" (газета Батыревского района)