06 июня 2017 г.
Кашнийĕ хăйĕн пепкине чир-чĕртен упрассишĕн тăрăшать, анчах яланах эпир шухăшланă пек пулмасть. Районта хальхи вăхăтра сывлăх енчен хавшак 172 ача пурăнать. Вĕсене уйăхсерен патшалăх пенси 12,1 пин тенкĕ парать, çавăн пекех социаллă пакет хакне кура 2,5 пин тенкĕ тивĕçет. Ашшĕне е амăшне, опекуна та инвалида пăхнăшăн уйăхра 5,5 пин тенкĕ лекет. Çакăн пек укçана Патăрьел тăрăхĕнче _ 115, республикăра 3 пин ытла çын илсе тăрать.
Çывăх çыннисенчен пĕрне е иккĕшне те çухатнă ачасене те патшалăх хăйĕн хỹтлĕхне 18 çул тултариччен, куçăмлă майпа вĕренсен 23-е çитиччен илет. Ун йышшисем районта 423-ĕн.
Источник: "Авангард" (газета Батыревского района)