09 июня 2017 г.
Çурхи ĕçсене вĕçленĕ халăха савăнма "Хĕвеллĕ" уçланкă кăçалхипе 66-мĕш хут акатуя чĕнет. Пысăк уяв районта июнĕн 10-11-мĕшĕсенче иртет. Малтанхи кун яланхиллех куракансем ачасен юрă-ташăри, спортри пултарулăхĕпе тĕплĕн паллашма пултараççĕ. Вырсарникун вара ĕçре палăрнисене, мухтава тивĕçнисене саламлаççĕ. Спорта юратакансен урхамахсем ăмăртнине, кĕрешекенсем вăй виçнине тата ыттине те курма, "чирлеме" май пур. Çамрăк ăру валли карусельсем, батутсем икĕ кун та ĕçлеççĕ.
Источник: "Авангард" (газета Батыревского района)