Публикации » Ял старости тухтăра та улăштарма пултарать…

16 июня 2017 г.

Ясная Поляна район центрĕнчен 19 çухрăмра вырнаçнă. Вăрманхĕрри Шăхалĕнчи фельдшерпа акушер пунктне çитес тесен те 7 çухрăм. Пĕри те çывăх çул мар. Ялти 21 хуçалăхра 43 çын пурăнать. Вĕсенчен улттăшĕ _ ачасем. Медицина пулăшăвĕ вара кирек хăшне те кирлĕ пулма пултарать. Çак йывăрлăха туймаççĕ Апрушнайсем. Çынсем хушшинче "Килти хуçалăх" ятпа хисеп çĕнсе илнĕ Г. Федоров староста кирек хăçан та пирвайхи пулăшу пама пултарать. Пуçаруллă, ĕçчен, кирек хăш ĕçе те тытса пуçăнма пултаракан Геннадий Павлович нихăçан та ỹркенсе тăмасть. 10 çул ытла вăл обществăлла ĕçе тỹрĕ кăмăлпа пурнăçласа пырать. 

Источник: "Авангард" (газета Батыревского района)