16 июня 2017 г.
Каникул хаваслă, усăллă, асра юлмалла ирттĕр тесе сахал мар тăрăшаççĕ Шăнкăртамри пĕрремĕш вăтам шкулти лагере çỹрекен ачасемпе ĕçлекен воспитательсем. Ку хутĕнче вĕсем ăстаçăсен кунне ирттерчĕç. "Ĕç аллисем тунсăхламаççĕ" темăпа мĕн кăна ăсталамарĕç пуль! Алă шăлмалли хутсенчен (салфеткăсенчен) хитререн те хитре чечек тума пулать-мĕн. Аппликацисем те илĕртỹллĕ тухаççĕ тата ытти те. Çын тунине пăхса çеç лармарĕç ачасем. Пурте ĕçе хутшăнчĕç.
Кану кунĕн малаллахи пайĕ ялти культура çуртĕн-че тăсăлчĕ. Чăваш патшалăх çамрăксен театрĕн артисчĕсем "Ылтăн чĕп" музыкăлла юмаха сцена çине кăларчĕç. Пурне те килĕшрĕ вăл. Кану кунĕ мĕнле иртни сисĕнмерĕ те.
Источник: "Авангард" (газета Батыревского района)