20 июня 2017 г.
Пушар тесен яланах сехре хăпнă, анчах те хамăр асăрханса ĕлкĕреймастпĕр, те... Вăл вара çуртсене те, техникăна та тиркемест. Вырсарникун пушар хуралĕн ĕçченĕсен Çĕнĕ Ахпỹрте васкавлăн тухса кайма тивнĕ. Кунта пĕр фермер хуçалăхĕнче 2006 çулта кăларнă ГАЗель автомашина çуннă. Çулăм мĕнле сăлтавпа тухни хальлĕхе паллă мар.
Çанталăк ăшăтнă май халь пушшех те асăрханулăха ỹстермелле. Кил-çурт территорийĕнче çỹп-çапа çунтарнă чухне те тимлĕхе çухатмалла мар. Çавăн пекех ашшĕ-амăшĕн ачисене шăрпăкпа выляма юраманни, çулăм алхаснине курсанах аслисене чĕнмелли пирки вĕрентсе каласан пăсăклă пулмĕ.
Источник: "Авангард" (газета Батыревского района)